Har sengay shamá, har rangay tahá
Tai máhén dróshom gendag bit
É mehray pedh ent, é jangay tahá
Kay bárén merit, kay zendag bit
Chamm kór bebant, del tang bebit
Tai ráhay sará ta nendag bit
Á pollay tahá tai rang bebit
Á poll che paymá sendag bit
Taw mehr jaháná bahr kanay
Pa róchzebaharán rahm bekan
Byá lonjén shapay máhekán mani
Har shap chó geróká shahm bekan
Taw mehray cherág ay ján mani
Márá chó hodá setk ent tai sará
Taw din mani, imán mani
Yakk randé wati kollá cha dar á
É zend pa taw korbán mani
Mehráni zer ent bégwáz tai
Chawláni goshay báhóth án man
Pa man ke bebant ambáz tai
Emrózá dege ché lóthán man
Mobárek Kázi
Márch-1986, Shál