Byá ke jatag maróchi zerdá zahiray sanjá
É del padá rajéntag dardáni tiray sanjá
Wasshi kojám darday darmán ant bél o yárán
Porset cha halkay chápán bánóray siray sanjá
Man Kolbaray rodóm án, hakdár án jost o porsay
Sótkag kayá zabádén Bólán gón biray sanjá
Rangáni nur shanzit cha bibiay gedáná
Rangé zortag charéshi kai bádgiray sanjá
Tai drin mehrwán ent zórákén Chákaráni
Delmánagi Moriday béwas chó diray sanjá
Mobárek Kázi
1985-Aktóbar, Shál