Bahr kant dardán mani yakk anchén gamwáré rasit
Man kadi zántag manárá tai wadhén yáré rasit
Maktabé kasshán pa rájay mallén parzendán wati
Métagay bérózagárán deljamén káré rasit
Ji hamá róchá ke man jendá wati béhál bán
É gonahgárén delá nókén ger o dáré rasit
Moddaté gwastag esháná gón wati kalmánthiá
Shágén yaddárán kadi bit dawr o ácháré rasit
Sách Kázi shayr o gálán dán tai was kár kant
Taw hamé ráhá rawán bay balkén deldáré rasit
Mobárek Kázi
(Chawlán Daryá Yal Dátag)