Nawbatay shahragáni tyábdapán
Ásay daryáé chawl próshán ent
Má delay hón dát o sahdhéntag
Shap tai tonnién mosámáni
Ráh grán at gamáni kohbandén
Chó sawásá delon kotag pádá
Menzeláni cherágdanzén darán
Didagon pach kotant pa hayráni
Wáhagán sinagáni keshk shamosht
Ancho tachk ant tálehay ótág
Máh o estálán sayl o swádáni
Deljamá ráhay tarragá naylant
Sayd o áhu kojá sapar bekanant
Didagán ráh nadant kóh mojay
Kwahnén bádgiré goshay gwát rojit
Ji pa ahdáni sotkagén sáheg
Bár bótkag mosáperén morgán
Bánzolán bétawárá bál kotag
Monir Mómen