Mehr Jangay Sará

Man ke shank án pa taw!
Jangá gón man mayá
Mehr jangay sará…

Del kojá dar kapit
Wáhagáná koshit
Byayt hamódá kasé
Márá dastá begipt
Chó wa tahnáiá
Tors nést at maná
Á tahárén shapán
Teblén del may godhit
Ázmáné kapit
Á cherágán koshit
Man é tahnáiá
Hardén tahná bán
Del tai yátán kapit
Balkén gón ay gón man
Balkén chér ay edá
Randá záher kanay
Káay démá mani
Dastán gollá baray
Kanday cháray maná
Chokkay péshániá
Dastá, dastá geray
O may góshá goshay
Jangá hórá rawén
Nun taw tahná naay,
Tors hejbar nayayt
Dán ke man zendag án
Barpén dastán tai
Opp kanán, garm kanán
Á zemestáni shapán
Tai samárán sará
Dánke taw wáb kapay
Tán man ágáh bán

Tán mán ágáh bán
Byayt, kassé agán
Jangá gon man bekan,
Marchi émen bobu!
Wassh o wazhdel bobu!
Wábá distag padá
Jangá man éok án
Yát at chóke hodá
Del may lóthit tará
Del may pa taw zarit
Byá oo rókén cherág
Didagán rók kan
May shapán nók kan
Beh taw grandé mabu
Beh taw dérán maras
Man tawáré beyán
Taw chó rókén gerók
Byá o jaldi beras
Taw ke jaldi rasay
Del may ágáh bit
Purah wábay tahá
Wábéá bost kan
Gendit démá wati
Ágah ay angatá
Cháragá ay maná
Man gón wasshén delé
Kandán chárán tará
Chokkán dastán tai
Taw ón cháray maná
“Taw chó shawk ay chiá?”
Man gón jostá merán!!!

Mehr jangay sará nadr bit o goshit
Byá oo didag mani! Yár jangá merit

Shahryár Balóch