Nágománi chest bant, dar káyant oppárag mani
Man dapá dárán, nabit del lahdhjanén dárag mani
Tai gamán gár án, mani rang tarretag zard o zalur
Grán kaptag dozhmen o delwáhán pajjárag mani
Hecch tará báwar nakant, pa man toshé bazzag nabit
Dozhmenán jawrénán óshtárénag ent nárag mani
Chárdah alláhigén shap tai háterá sohbon kotag
Démterá gón man nabit hecch rangá del dárag mani
Chamm pa mehr arsán réchant, lahdh jant del pa zahir
Dóst sahdhénant maná o man kodán bárag mani
Cha watá hecchi nasárán ni man o bahrig mani
Báwari gappé naent é grempoká shárag mani
Pa gedáré goddh cha man kassé begenday pa watá
Báyad ent margá cha pésar yakk baré chárag mani
Sáh mani dar nayayt Hánol tán nagendán man tará
Dorrén námá tai gerán bit shahádatay árag mani
Sayad Háshomi
Shapay adár 10, chárshambeh, 19 Dasambar 1950