Dastánah o shayrán goshán, bandán tará sawt o sepat
Ché bit dege pa tai dará may sháeráni mál o mat
Áhtán pa hoshkámén morád, raptán pa nákámén delé
Bit é jahán yá á jahán, pa má ta yakk ent ákebat
Bé gendagá chárán tará, Bé máragá márán tará
Ésh ent mani zerday wapá, ésh ent mani mehráni pat
Sabz ent ke tai ent golzemin, hoshk ent ke tai ent golzemin
Ás kapit ke hawr bit, zánay wati káráná wat
Ché ent zemin, ché ázmán, ché máh, róch o kalkashán
Shát at ke cha tai kodratán tá zendag at déwánag at
Atá Shát