Wazhbóéay hamráz ay, polláni delay trán ay
Byá ke mani máreshtay ábádén gyábán ay
Morgáni delán bramshit pádink tai óstáni
Taw ágahén emrózay porzémerén wábán ay
É nawbatay béhájat delgósh tákad dárit
Oo proshtagén kánchay gam názorkiay dastán ay
Cha nyáday shapay dastán chó mehlabá roksat bay
Chó mósomay arwáhá tákáni shamá mánay
Nun wáhagay hardo chamm béóstiay kotthá ant
Na róchay kashá gón ay, na rókén cherágán ay
É bakmalén cháráhá hóshámay sapar charké
Chó hájatá lontháni mán táséay chankán ay
Arsigén shapay nambay pádbramshéá béwánk ay
Chó roksati bechkanday, cha didagán delgrán ay
Hecch gón taw gelag nést ent, balkén é zobáná byayt
Man ach watá deltang án, balkén taw delá zánay
Monir Mómen