Gál bongesh o bongéj jahándár o jahánay
Bé gálá jahán hecchi o bénám jahándár
Gál nám mani, nám tai, nám hodáay
Bé gálá man o taw o hodáwand moján gár
Gál bongesh ent har chizéay, gál ásár ent drostay
Gál myánjiay tawjil ent o sarkáriay gerdár
Bé gálá nabit gopt, nabit gopt nabit kerd
Gál ant ke goptár bant, goptár bant kerdár
Gál pákén ketáb ant o hodáwanday golén trán
Gál ant ke bezántesh baré pehnám baré áshkár
Gál angar o gál tróngal o gál bretkagén bir ant
Gál trápkonén tramp, sechkánén sassá gol o golkár
Sad bazhn ke selgárián gál kortagant póleng
Ganjé ke gehén gál palak shoshtag o palgár
Sayad Háshomi