بُتکَگ اَنت سَنج کہ تَئی رَنگیێں چادِر تاپ اِنت
تَئی اِہوال کہ باگ ءِ دْرَہێں پُلّاں چاپ اِنت
مَن ءَ لَرزێنَگ ءَ گِپتَگ اُو مَنی زِند ءِ اُمێت
مَن ءَ اَمباز کہ تَئی بَکمَلێں سێنَگ باپ اِنت
بْیا کہ گُڈّی بَر ءَ سَنگُل تَرا گِندُک بِکَناں
بْیا کہ ساہُن مَنی، پہ دَر کَپَگ ءَ اِشتاپ اِنت
تَئی نَدر آں اگں پہ تَژن شَہار ءِ دَستے!
ھَرکُجام دێم ءَ تَئی داد ءُ دِہ ءِ اَوساپ اِنت
ھَمے اِہوال کہ تَئی نێکێں نِزَر گۆں مَن نَہ اِنت
وَشنَیَتکاں چَہ گَل ءُ وَشّی ءَ دُمب ءُ شاپ اِنت
تَو کَریم! پۆنزے یَکّ جْوانێں وَتی راج ءَ را دَئے ئے
تَئی ھالَت گۆں پَریرَنگاں اَجَب اَلکاپ اِنت
<سترُنگ><اِم>کَریم دَشتی