اگں دۆستاں شَمُشتَگ، پہ کَست گیر کار اَنت
اَلّاہ بِکَنت سَلامَت مئے دُژمِناں بَدێناں
پہ ھَیال بے نَگێں رَکّ مَنی تُنّ گێش سَر ءَ بُرت
اِے ھُمار دات ھۆشام تَئی چَمّاں کَدَّہێناں
پَدا مۆسُم اِنت بَہار ءِ، پَدا مۆلُم اِنت ھَیال ءِ
تَئی مِہلَباں زَہیر ءِ دِل ءِ کَدَّہ ءَ بِمێناں
مَن ءَ شالا مَہرَمے بیت کہ بِکَنت ترانے شَہدێں
مَن ءَ کُشتَگ وَشنَیَتکاں گۆں شِگاناں کُچَّلێناں
تَئی لُڈَّگانی کَوشاں، تَئی کَندَگانی پُلّاں
تَئی دْرۆشُمانی ساچاں مَن بَہِشت سَمبَرێناں
<سترُنگ><اِم>کَریم دَشتی