شَپے کہ بام مَساریت، چُشێں شَپ ءَ را سۆچ
پہ اُمرے ءَ کہ وَداریت، چُشێں شَپ ءَ را سۆچ
تَو رۆچ ءِ واجَہ ئے، اِستال ءُ ماہ ءِ واہُند ئے
تَرا کہ پَجّاہ مَیاریت، چُشێں شَپ ءَ را سۆچ
بِدَنت داگ، چُشێں نێمرۆچ ءَ آس بِدئے
دِلاں پہ آس بِگواریت، چُشێں شَپ ءَ را سۆچ
کُشیت واہَگاں پہ رۆژنائی ءِ نام ءَ
دِل ءِ چِراگ ءَ تَہاریت، چُشێں شَپ ءَ را سۆچ
ما "کۆہنِند" بَنیادَماں پہ آس ءِ اَپۆگ،
تْریشک پہ ما شَہاریت، چُشێں شَپ ءَ را سۆچ
ما رۆچزَردَگ ءُ گْوَربام، ما سَمین ءُ سَبا
نہ اَنگَت مارا کِماریت، چُشێں شَپ ءَ را سۆچ
ما "رُژن ءِ بَہت" تَہارۆکیا پہ رۆک، اَتا
چۆ رۆچ ءِ راہ بِداریت، چُشێں شَپ ءَ را سۆچ
<سترُنگ><اِم>اَتا شاد