مَنی رَنگ ءُ نُور ءِ بانُک، مَنی مَہپَری تِلاہێں
چَہ مَن دُور دُور تَرّ ءِ، مَنی چے بُگُش گُناہ اِنت
مَن ءَ گۆن اَنت آلَم ءِ گَم، مَن ءَ دَرد دْرَہێں جَہان ءِ
مَنی دُژمِن اِنت زَمانَگ، مَنی گۆں مَن ءَ ھُدا اِنت
تَئی بُو ءُ ناز ءِ شَیدا، تَئی دْرۆشُم ءِ مَن کَولیگ
پہ مَن ماہِکاں تَئی کَندَگ، مَنی دِل پہ تَو پِدا اِنت
مَن ءَ دَر مَکَن دِل ءَ چَہ، مَن ءَ دیدَگاں بِنادێں
مَن آں تَئی دِل ءِ ھَزانَگ، مَنی دۆست گْرانبَہائیں
مَن ءَ شَنکُن پہ وَت شۆہاز، مَن ءَ دَر بِگێج پہ وَت
تَئی دیدَگانی رَنگ ءَ ، تَئی پہ وَت ءَ سَبائیں
<سترُنگ><اِم>گُلام ھُسَین شۆہاز