مَنی دَرد سَرشَپانی، مَنی ماہ دیدَگانی
تَرا رۆچ کَنات ساہێل، تَرا چُکّات ماہِکانی
دِل ءِ بانۆکێں جِنِکُّو، مَن ءَ دۆست باز بَئے تَو
پہ مَن مُود ءِ ٹالے گۆں کَن، وَتی مَہپَر ءِ نِشانی
مَکَن مَلَّگاں وَتیگاں، دِل ءِ بَند مَنی تَ اَرزاں
وَتی کَبگیێں رَواجاں، وَتی لُڈَّگاں کَجانی
کَدی بارێں تَو بْیا ئے، کَدی بارێں مَن بِگِنداں
کَئی ھَتِرا بِگواراں وَتی اَرساں دیدَگانی!
مَن ءَ رَندِ مَرگ ءَ شۆہاز، مَنی گۆر ءُ گارێں زِند ءَ
مَنی تْرانَگاں بِسینگار، گَم ءِ اَندَر ءَ جَلانی
<سترُنگ><اِم>گُلام ھُسَین شۆہاز