کُج ءِ ماہِکاں، کُج ءَ کَلکَشاں، نہ دِل اِنت اِد ءَ ، نہ بَدَن تَئی!!
کَدی اَہدے اَت، کَدی اُمرے اَت، نوں مَن اوں ھما، نہ بَدَن تَئی
مَنی ڈێہ ءِ گَم، چۆ گَم ءِ ھَتَم، اِد ءَ دْرَپش ءُ رَکش اِنت چِلَّگ ءِ
اِے تَہاری ءَ (نہ) شُہازِتَگ، مَن کُج ءَ کُج ءَ ، نہ بَدَن تَئی
دِگِہ وَہدے اَت، دِگِہ پاسے اَت، کہ وَپا ءِ آپ پہ تاسے اَت
نوں بَہا کہ ھۆن پہ اَرسے اِنت، نہ رَسیت وَپا نہ بَدَن تَئی
چُشێں کَہرگرَنچێں زَمانَگ ءَ، تَو نہ بۆج مُہرَگێں دانَگ ءَ
اِد ءَ تْراوَل اِنت نہ جَگَر مَنی، اِد ءَ کَہرَبا نہ بَدَن تَئی
اِد ءَ اوست ءُ آس دوێں جَس اَنت، اِد ءَ بام چے؟ اِد ءَ شَپ چے اِنت
کہ نَمَنتَگ کَسّے پہ مَہرَمی، نہ تَئی اَتا نہ بَدَن تَئی
<سترُنگ><اِم>اَتا شاد