اَرسے چَہ دیدۆکاں تَئی، پُلّے چَہ مَلگۆراں تَئی
بْیا بْیا مَنی ساہ ءِ بَدَل بازێں گَماں کۆر آں تَئی
گۆں تَو کہ مَن کێگَد مَنی ساہ ءُ سَر ءِ سَودا کُتَگ
ھَر سَکّی ءَ تَئی ھَمسَپَر، ھَر مُشکُل ءَ ھۆر آں تَئی
میرُو ءِ دَزرۆدێں کِشار پادمال کُت اَنت بے زانَگاں
کَسّے مَگِندات بالگَتَر بے ھاجَتێں گۆراں تَئی
سُدّ ءَ نا ئِے اُو بے سَما کہ لاپ تاوان اِنت تَرا
جی مِہرَبانێں ناہُدا اَرماں پہ ماہۆراں تَئی
تَو یَبَّرے لُنٹاں سُرێں کَول اِنت مَن ءَ وَرنائی ءِ
سَگّاں دِل ءِ جُہلانکی ءَ دَرد ءُ گَم ءُ دۆراں تَئی
تَئی آشِک آں تَئی کازی آں باندا چَہ اِے ھَلک ءَ رَواں
بَسّ یَبَّرے گۆشاں بُگُش وابانی بانۆر آں تَئی
<سترُنگ><اِم>مُبارِک کازی