مَرۆچاں سَکّ وَلّاہ آشِکی کَنت
کہ دِلبَر چَمّ ءِ کَلّ ءَ آشِکی کَنت
مَنی پێژگَہ ءِ نَزّیک ءَ جِنِکّے
گْوَزیت جَلّ ءُ مَجَلّ ءَ آشِکی کَنت
زُبان ءَ زَپت اَنچێں داستانے
کہ گۆں گْراناز ءَ لَلَّہ آشِکی کَنت
چَریت ھَجگێں اَنارکانی بَہاراں
دِل ءِ آہُوگ تَلّ ءَ آشِکی کَنت
گُش ئِے اِمرۆز مَکّارێں جَنێںے
وَت ءَ کَنت ساپ ءُ سَلَّہ آشِکی کَنت
تَئی آجِز اوں بے سُدّێں بَچَکّے
سَر ءَ کَشّیت پَلّ ءَ آشِکی کَنت
<سترُنگ><اِم>مَجید آجِز