مَن شَپاں رۆچ ءُ ماہاں سال کَناں
زِند ءَ اَنچُش وَتی زَوال کَنَن
کَسّ نَکَنت آیَگ ءِ تَئی سۆج ءَ
ماسَگاں بَنداں شِرک ءُ پال کَناں
واہَگ ءِ آسَر اِنت چی ءَ گاری؟!
اێوک ءَ نِشتَگ ءُ ھَیال کَناں
چَہ وَتی مَرگ ءَ پێش اُو بَدواہ!
تَئی دَوار ءَ مَن پادمال کَناں
پَسَّوے نێست چَہ دادبَکش ءِ دَر ءَ
بَزَّگی نِشتَگ ءُ سَوال کَناں
بِلّ مَن ءَ تَو، بِگِر وَتی اَڈّ ءَ ،
دَنزے آں مَن چۆ دَنز ءَ بال کَناں
رَنج ءِ جۆہار ءَ کَپتَگاں ساہِر
دَست ءَ ھَرچ نێمَگ ءَ کہ ٹال کَناں
<سترُنگ><اِم>مُراد ساہِر