مَن ءَ مَچار پَکیری ئے جَنڈێں شال ءِ تَہا
مَن بادشاہے آں بَلکێں وَتی ھَیال ءِ تَہا
وَت ءَ نَپَہمِتَگ شَرّی ءَ دانکہ اِنسان ءَ
آ دْرَچک واب نَکَپتَگ وَتی نِہال ءِ تَہا
مئے نۆکرُستَگێں وَرنا نَمَنّ اَنت اِے گَپّ ءَ
کہ دۆد رَنگ چِن اَنت اَہد ءِ شِرک ءُ پال ءِ تَہا
دَمانے بَند نَبَنت شَہر ءِ ھَلوَت ءُ سُکسُک
اِے چۆنێں کِسَّہے چێر اِنت تَئی سُور ءِ ھال ءِ تَہا
پْرُشیت وَہدے مَنی شاِری ءِ مَستێں کَیپ
گُش ئے کہ سیمّ سُرۆز ءِ سِد اَنت دَمال ءِ تَہا
جَہان ءِ زاہِری دیدَگ مَن ءَ کُج ءَ پُل اَنت
کہ زِند چۆن گْوَزان اِنت مَنی زَوال ءِ تَہا
اِے بَہت ءِ پْرۆش گُشَگ بیت کہ وَہد ءِ باجُوی
پْرُشیت وَہدے مَنی بانزُلے کہ بال ءِ تَہا
<سترُنگ><اِم>مَنزُور بِسمِل