ما دُا وانَگ ءَ اَتێں۔ یَکّ رۆچے اُستاد ءَ ، واجَہ مُنیرا گُشت، “مَن جُستے کَناں۔ ھما کہ زانت، دَست ءَ چِست بِکَنت، اگں نَزانت ءُ چِست کَنت، چامپَٹے وارت! جُست اِش اِنت کہ ما گینّا تَہا بَرێں، کُجام گَیس ھۆن ءَ رَوت؟”
سی ءِ تَہا چار ءَ دَست چِست کُت۔ مُراد جان ءَ ، بِلار ءَ ، ھَمَّل ءَ ءُ مَن۔ واجَہ مُنیرا اَوَلسَرا بِلار پاد کُت۔ بِلار ءَ گُشت، “کاربَن ڈایاکسایڈ (ک<سُوب>2)۔”
مَن ءَ کَندَگ اَتک بلے واجَہ ءِ تُرسا نَکَندِت۔ واجَہ ءَ چَہ ھَمَّل ءَ جُست کُت۔ آئی ءَ اوں گُشت کاربَن ڈایاکسایڈ۔
پَدا واجَہ ءَ مُراد جاں پاد کُت۔ مُراد جان ءَ مُکِّت ءُ مُکِّت ءُ گُشت، “آ۔۔۔آک۔۔۔سی۔۔۔سی۔۔۔جَن!”
پَدا مَنی باریگ اَتک۔ مَن گُشت، “آکسیجَن۔”
واجَہ ءَ گُشت، “رُکسار ءُ مُراد جاں! شُمئے پَسَّو راست اَنت۔ شُما بْیاِت ءُ بِلار ءُ ھَمَّل ءَ چامپَٹے چامپَٹے بِجَنِت!”
مُراد جان ءَ دَمان ءَ شُت ءُ آہانا چامپَٹ جَت چیاکہ بِلار ءُ ھَمَّل ءَ یَکَّشا مُراد جان ءِ مُکَّگانی گێگاں گِپت۔
مَن ءَ بَزَّگ بُوت۔ مَن گُشت، “ مَن نَجَنانِش۔”
واجَہ ءَ گُشت، “اگں تَوِش نَجَن ءِ گُڈا ھَمَّل ءُ بِلار ءَ پَرمایاں، بِلّ ئِے تَرا چامپَٹ جَن اَنت!”
گُڈا مَن اوں پاد اَتکان ءُ دُێنانا چامپَٹے چامپَٹے جَت۔ واجَہ ءَ گۆں بِلار ءُ ھَمَّل ءَ گُشت، “بُرَوِت، بِنِندِت بلے آکسیجَن ءَ یاد کَنِت۔”
بِلار ءَ وار وارا گُشت، “<اِم>آسیجاں یاد بیت نَبیت، چامپَٹ یاد بیت!”
<سترُنگ><اِم>رُکسار بَلۆچ