دَر کَپتاں مِہر ءِ راہ ءَ مَن!
چاراں کہ راہِش بَند کُتَگ!!
ھَر کِشک ءُ راہ ءَ سِنگ اَت اَنت
ھَر جاگَہ کُنٹَگ شِنگ اَت اَنت
بَدواہ چی ءَ بے وار بَنت!
پَرچا مَنی راہ ءَ گِر اَنت؟
مَن راستی ءَ دێم ءَ بَراں
ھَر تاب ءُ رێس ءَ پَچ کَناں!
بارێں کُج اَنت رُژنائیں دِل
مَن سَجَّہێں زِند ءَ وَتی آیانی شۆہاز ءَ بَراں
سَوگاتے مَن نَدری کَناں!
اَنُّون داں رۆچ ءَ باز ھَست
شَپ چۆن گْوَزیت گۆں نالَگاں؟
ھَمراہ مَنی! ھَمراہ مَنی!
بْیا ھَمدِل ءُ ھَمسِتک بے ن
نِندَگ نَبیت اِنت رَہسَراں
آلَم ھَزێنتَگ رَستَراں
<سترُنگ><اِم>ھاں سابِر
سَتَمبَر 1974 کێچ