Dar Kaptán Man

Hán Sáber February 2, 2025 80 views

Dar kaptán mehray ráhá man!
Chárán ke ráhesh band kotag!!
Har keshk o ráhá seng atant
Har jágah konthag sheng atant
Badwáh chiá béwár bant!
Parchá mani ráhá gerant?

Man rástiá démá barán
Har táb o résá pach kanán!
Bárén koj ant rozhnáén del
Man sajjahén zendá wati áyáni shóházá barán
Sawgáté man nadri kanán!

Annun dán róchá báz hast
Shap chón gwazit gón nálagán?
Hamráh mani! Hamráh mani!
Byá hamdel o hamsetk bén
Nendag nabit ent rahsarán
Álam hazéntag rastarán

Satambar 1974 Kéch

Hán Sáber