چَول چَول مَوجاں گۆں ماہِکاں دَریا اِنت
کئے بِزانت شُہاز ءَ کَئی سَر جَناں دَریا اِنت
چۆ گُش ئے گۆں آچاراں جَلوَناکێں یَدّار اَنت
گۆں تِلاہێں اِستاراں آزماں دَریا اِنت
واہَگانی زِروان ءَ تْرَمپ چادِر ءَ بَست اَنت
مَئێگ ءُ تَئی اُمێتانی زِندماں دَریا اِنت
ما دِل ءَ یَکیم ایں کہ مارا مِنزِلے سَر کَنت
پہ مئے گارێں بۆجیگاں رَہنِشاں دَریا اِنت
مَرچی بے ھِسابا رێچ لال ءُ گَوہَراں چَمّ ءِ
کازی گۆں تَئی اَرساں مِہرَباں دَریا اِنت
<سترُنگ><اِم>مُبارِک کازی