<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
رۆچ شُت ءُ ماہ شُت اَنت
مُہکَمێں سال شُت اَنت!
پُلّێں اِمرۆز نَشُت!
مئے گَل ءُ بال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
تْرۆنگَلێں اَرساں نَگوَرت
دِل شِپێں تیراں نَسُپت
گۆرَگێں کُلّ ءِ وَڈالاں
مئے سَر ءُ مال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
مَجلِس ءُ دَور بَلۆچیگ
شیرکِنێں گَپّ ءُ ھَبَر
جَلَّک ءُ چَہر ءُ گِداں
گْوَپتَگێں شال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
چاکَر ءِ زۆر ءُ تَیاری
ھانُل ءِ ھیسکارَگ
رَند چَہ شَیہا اِے جَہاں
مِہر ءِ پَہوال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
اِزَّت ءُ جام شُت اَنت
شُت اَسیلێں پازُل
لَبز ءُ گُپتار ءُ بَیاں
گال ءُ سَرگال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
گِند ءُ نِند دۆستی ءُ بْراتی
ھۆری ءُ ھۆرێں تِپاک
شَکَّلێں دْرۆت ءُ سَلام
ھال ءُ اِہوال شُت اَنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<سترُنگ><اِم>گُلام ھُسَین شۆہاز</اِم></سترُنگ>
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->