بْیا کہ اِستاراں جَتَگ پُلّ ماں شَپ ءِ گیوار ءَ
ماہِکان ءَ چۆ وَتی آپِ رَواں شِنگێنتَگ
اِے تَئی مَہپَر ءِ شَنزَگ چۆ سَمین مِسکێن ءَ
تَو نَزان ئے کہ چِہ دْرینے ماں دِلاں شِنگێنتَگ
چَندے کَسّانا پہ بِچکَندَگ ءُ نێمچَمّی ءُ ناز
چَندے کَسّانا پہ بُروان ءِ کَماں شِنگێنتَگ
کئے دَر ءَ رَوت مَرَوت گْواڈَگ ءُ پُلّاں پہ سَواد
مارا "پُلدَپ" اِے تَئی بۆ ءُ بُساں شِنگێنتَگ
یَکّ اَتا شادے نَہ اِنت دْرێگَتێں بُوتێں یَکّے
تَئی ڈیل ءَ اِے جَہانانی جَہاں شِنگێنتَگ
<سترُنگ><اِم>اَتا شاد