<!-- وپ:پَرَگرَپہ -->
بُپۆش دۆد ءِ بُرکَہ ءَ چۆ شَدری اِنت ءُ چۆ شَری
بِچار بَلۆچی زَہگے ئے تَرا پہ اَیب اِنت سَردَری
<!-- /وپ:پَرَگرَپہ -->
<!-- وپ:پَرَگرَپہ -->
تَو کَرن ءِ بیست ءُ یَکُّمی مُساپِراں گِسَر بُبُو
رَنگ ءُ بْراہ ءُ دْرۆشُماں زَمانَگ ءَ چَہ دَر بُبُو
تَو باز وَنتَگ سۆگَہ ئے مَن یَکّ نابِزانتے آں
مَن ءَ را پہ تَو شات نَبیت ھَمے سِتارَہێں سَری
<!-- /وپ:پَرَگرَپہ -->
<!-- وپ:پَرَگرَپہ -->
چۆ بیت بْرَہدار تَئی دَست ءَ کَلّیگ ءُ کَپات
سارتێں رێک ءُ سِک ءِ کانیگاں بِکَن تَو یات!
سَیل بِکَن اِے کُہبُن ءِ پُترُونک ءُ داز ءُ زامُراں
کُدرَتاں اِے داتَگێں ھُدا ءِ مَریَمێں پَری
<!-- /وپ:پَرَگرَپہ -->
<!-- وپ:پَرَگرَپہ -->
ساز کَنت ٹِلُّواں دۆد ءِ دِلبَرێں رَمَگ
دِل گَل ءَ چَہ گَرک جَنت وَشّ بیت مئے دَمَگ
سَباہاں واب ءَ پاد کَنت پُلّێں ھینزَک ءِ تَوار
بْیا چَہ سال ءَ پاریگێں وَشتِر اِنت اِمبَری
<!-- /وپ:پَرَگرَپہ -->
<!-- وپ:پَرَگرَپہ -->
مُہکَمێں کَلاتے ئے تُرس ءُ بیمّ دار ئے تَو
کُہمَزاری شێرێں بْراتے ءِ گُہار ئے تَو
گۆش بِدار چے گُشیت؟ بُزُور پَنت ءُ نَسیَتاں
جِتا اِنت دَور ءِ شاِراں اِے میرجان ءِ شاِری
<!-- /وپ:پَرَگرَپہ -->
<!-- وپ:پَرَگرَپہ -->
<سترُنگ><اِم>میرجاں میرَل</اِم></سترُنگ>
<!-- /وپ:پَرَگرَپہ -->