دَرد ءِ نازُرکێں کارچے دِل ءَ لَگِّتَگ
اِشک ءِ سَودا ءَ دَستے مَن ءَ لَگِّتَگ
وَہد ءِ گْوَرگِنداں مارا کُتَگ تَہزَدَگ
بیتَگێں چِست لَٹّ اوں سَر ءَ لَگِّتَگ
سْرَپتَگێں گْواڈَگانی ھُدا پاسپاں
کُنٹَگے کۆرێں چَمّ ءِ تَہا لَگِّتَگ
تَو گۆں پُلّێں کِہێباں چِدا گْوَستَگ ءِ
مارا پُورَہ بَہِشت ءِ ھَوا لَگِّتَگ
دِل تَنیگَہ ھما ٹَپّ ءُ ٹۆراں کُدیت
تَئی ھَمُک گَپّ ئِے تیر ءِ وَڈ ءَ لَگِّتَگ
آجِز ءَ بِلّ گَنۆکے، گَنۆکے، گَنۆک
گْرێتَگ ئِے گْرێتَگ ئِے کَندَگ ءَ لَگِّتَگ
<سترُنگ><اِم>مَجید آجِز