چۆن گْوَست تَئی اِے گْرانێں سَپَر، تَو بارێں مُساپِر چے دیستَگ
ما دیست اِد ءَ دیوال نہ دَر، تَو بارێں مُساپِر چے دیستَگ
اوتاگ سِدان اَنت اوستانی، تَو ھال نَگِپتَگ دۆستانی
کاگَد نہ کُلُہ کاسِد نہ نَپَر، تَو بارێں مُساپِر چے دیستَگ
ما ھَکّ ءِ زَہمێں راہ دیستَگ، ما دْرۆگ ءِ رۆکێں ماہ دیستَگ
ما شَیر کُتَگ ھَر راستێں ھَبَر، تَو بارێں چے دیستَگ
مَن مَست کُتَگ اِے کُلّ اِمرۆز بے چَنگ ءُ رَباب بے ساز ءُ سُرۆز
چے بیتَگ بارێں تَئی آسَر، تَو بارێں مُساپِر چے دیستَگ
ما پُلّاں توانے بَکشاتَگ بے گْواہاں نِشانے بَکشاتَگ
ما آپ کُتَگ ھَر کۆہێں جَگَر، تَو بارێں مُساپِر چے دیستَگ
اِے دِل گۆں زَہیراں کَبر کُتَگ، ھِچّی کہ نَبُوتَگ سَبر کُتَگ
نِہادیا شُتَگ مئے پِکر ءُ ھُنَر، تَو بارێں مُساپِر چے دیستَگ
بے رَسم ءُ رَواج ءُ دۆد شُتێں، ھَر پَیم زِمین اَت رۆد شُتێں
مێڈێنت مُدام ما سِنگ ءُ سَر، تَو بارێں مُساپِر چے دیستَگ
<سترُنگ><اِم>مُنیر مۆمِن