کَسّ ءَ کَسّی دَرد دِل ءَ نێست گُشتَگ مَن
شَہر ءَ مَردُم نێست وَپا نێست گُشتَگ مَن
مَن چۆ گُشتَگ آزمانے ھَست اِنت سَبزێں
اود ءَ بارێں ھَست ھُدا نێست گُشتَگ مَن
جَنگَل دْراہێں بازار اَنت، گار اَنت جَنگَل
شَہر ءَ ھِچّی آب ءُ ھَوا نێست گُشتَگ مَن
تَئی بِچکَنداں دْراہێں تَہاری رۆک کُتَگ
چۆنایا ماہ اِد ءَ نێست گُشتَگ مَن
تَئی یاتانی دُنیا ءَ آباد آں مَن
مَرچاں ھِچّ ئے ھۆش مَن ءَ نێست گُشتَگ مَن
بَسّ دۆستانی گَپّ اَنت چۆ ڈَنگ ءَ تَور اَنت
آستُونک ءَ ھِچّ مار تَہا نێست گُشتَگ مَن
اِرشاد پَرواز نَزّیکیا دێر نَکَنت
اِے مَرد ءَ گۆں کَسّ ءَ گِلَّہ نێست گُشتَگ مَن
<سترُنگ><اِم>اِرشاد پَرواز