تاک تاریک ءِ کَنَگ بُوت اَنت پَدا لُوڈ ءِ مَیار،
جار اِنت "لُوڈانی ھَمے دَنز اَنت اَجَب ساہِگدار"
ءُ گُش اَنت اَنگا وَپایانی وَت ءَ واہَگدار
پُلّ چَہ کُنٹَگاں تالان ءُ جِتا بُوان اَنت
گۆشت ءُ ناکُن وَت ءَ سِندان ءُ جِتا بُوان اَنت
باگپاں دُور چَہ ڈَگاران ءُ جِتا بُوان اَنت
دَلوَت ءُ مَردُم یَکّ پَیم ءَ بَہا بُوان اَنت
رۆژنائیں کہ چِراگ اَنت سَر ءَ سۆچان اَنت
دْرێگَتێں ھَمَّل ءَ ھَمراہ مَبُوتێں بازێں
دْرێگَتێں ھَرکَس ءَ سُکرات ءِ جَگَر ماں بُوتێں
دۆستی ءِ مَزدَک ءُ کَبّادے مَبُوتێں زِندَگ
دْرێگَتێں ھَرکَسے ءَ راستی ءِ اَرماں بُوتێں
ساہ ءِ سَنگ راستی ءِ شاہێم ءِ تَہا گراں نَہ اِنت
<سترُنگ><اِم>ھاں سابِر
(مَئی 1980 کَراچی)