(اَتا مَن ءَ پِہِل بِکَن)
ھما کہ واہَگانی رازدار اَت اَنت کُج ءَ شُت اَنت
ھما کہ مئے دِلانی دَردوار اَت اَنت کُج ءَ شُت اَنت
نَکُرتَگِش گۆں ھِچّکَسا کَدی زَمانگ ئے گِلَگ
ھما کہ گۆں تَوار ءَ بے تَوار اَت اَنت کُج ءَ شُت اَنت
ھما کہ مِہر ءِ جُلگُمێں زِر ءَ نَبُوتَگ اَنت پَنا
ھما کہ بے شَرابا ھَم ھُمار اَت اَنت کُج ءَ شُت اَنت
ھما کہ جَمبَراں ھَوار، گۆں پُلّاں ھَمنَشین اَت اَنت
ھما کہ گْوات ءِ مَرکَب ءَ سَوار اَت اَنت کُج ءَ شُت اَنت
ھما کہ آہاں مۆرے ھَم نَکُرتَگ چَہ وَت ءَ شِزار
ھما کہ وَت وَتی سَر ءَ تَیار اَت اَنت کُج ءَ شُت اَنت
ھما کہ بَہر بَہر اَت اَنت وَتی تَہنائی ئے تَہا!!
ھما کہ “یَکّ ءِ” دْرۆشُم ءَ ھَزار اَت اَنت کُج ءَ شُت اَنت
<سترُنگ><اِم>مُبارِک کازی