پَرے ھال ءَ ، گُلێں یار ءَ کَناێنت
آ، دَردانی شَریدار ءَ کَناێنت
تَہارێں رُو ءِ سۆچک ءُ سۆزمان ءَ
مَن ءَ رُزوا ماں بازار ءَ کَناێنت
چَہ دَست ءَ زَہم پَچ گِپت کاسَگے دات
پَکیرے شَئے، دِشتار ءَ کَناێنت
دَوارے نئے وَت ءَ بیت ئِے نَسیب ءَ
ءُ راج ئِے ھَم چۆ چَمدار ءَ کَناێنت
تَیار ءُ بارَگ ءُ بُرزکَدّێں بالاد
کہ اێرجیگ اِنت گَم ءِ بار ءَ کَناێنت
بَدێں چاگِرد ءِ ٹاکۆر ءُ شِگاناں
زُباں گُنگێں مَنی ھار ءَ کَناِنت
ئے ساہِر! تْرانَگانی کْوَہنێں ھَوپ ءَ
مَنی رَنگ چۆ ھَلِگدار ءَ کَناێنت
<سترُنگ><اِم>مُراد ساہِر