دِگِہ ھِچّ گَپّ پہ گَپّ ءَ سَر نَیَتکَگ
کہ وادَہ داتَگ ئِے دِلبَر نَیَتکَگ
دَر اَتکَگ دِل ھَزار رَند ءَ پَدا ھَم
دِل ءَ چَہ دَرد مِہر ءِ دَر نَیَتکَگ
مَنی کُٹّ ءَ بِبیت مَہگۆنَگ ءِ سَر
چُشێں وَشّێں دَماں ھِجبَر نَیَتکَگ
اِے دیوان اِنت پَکیر ءُ آشِکانی
نَکُرتَگ مِہرَبان ءَ شَرّ نَیَتکَگ
شَپ ءَ را زانتَگ داں وَہدی پَناہے
کہ دێم ءَ زُلپ تَئی دِلبَر نَیَتکَگ
دِل ءِ دَردانی کازی مِنَّوار آں
اِے دانائی پہ سیمّ ءُ زَرّ نَیَتکَگ
<سترُنگ><اِم>مُبارِک کازی