شیشُمێں ڈیل ءُ بُلۆرێں چَمّ تَئی
گیر کئێت چێدَگ مَن ءَ ھَردَم تَئی
زِندَگ آں مَن چۆن تَرا بے ھال باں
دیدَگاں دۆست اِنت مَن ءَ را گَم تَئی
لَجّ مَکِن گۆں مَن بُگُش رازاں دِل ءِ
کِنز بْیا دێم ءَ مَن آں مَہرَم تَئی
چَہ دَپ ءَ دانکے نَکَشّاں گُنگ باں
گَم مَن ءَ بِلّ ئِے کُشیت جَہندَم تَئی
تَو بُلۆٹ ئے پہ تَو دُنیا ھازِر اِنت
اِے جَوانی ھَم تَئی دِل ھَم تَئی
اَندَر ءِ ھال ءَ ھُدا گِہتِر بِزانت
زاہِر ءَ گێگ اِنت کازی گْوَم تَئی
<سترُنگ><اِم>مُبارِک کازی