یاتانی بُلۆرێں تاس ءِ تَہا ھَرّۆچ سُچاں
مَن دَرد ءِ بَہِشتێں آس ءِ تَہا ھَرّۆچ سُچاں
مَن مِہر ءِ ھما مُہرَگ کہ نَسۆچیت رۆچ مَن ءَ
تَئی جیگ ءِ چَمۆکێں لاس ءِ تَہا ھَرّۆچ سُچاں
پہ مَن تَئی جُدائی جُپت نَکَنت اَندۆہ ءُ گَماں
مَن جِند ءِ وَتی وَسواس ءِ تَہا ھَرّۆچ سُچاں
وَہدے کہ شَپاں تَئی یات ءِ زَبادێں نۆد شَل اَنت
ھَر سَہت ءُ دَماں ھَر پاس ءِ تَہا ھَرّۆچ سُچاں
<سترُنگ><اِم>مُبارِک کازی