دِل ءَ بَلێں کہ دِل ءَ رۆک بیت ھَزار چِراگ
نَبیت رۆچ اِے چَکّاس ءِ شَپ پہ چار چِراگ
مَن مُرتَگاں پہ تَئی مِہر ءِ ماہێکان ئے نۆد
مَیار پہ مَنی اَدّیرَہ ءَ مَیار چِراگ
ھُدۆک ءِ شَہم، ھَیالانی گْرَند، رُژن ءِ رۆک
چِراگ تاں کہ اِے کَہرێں شَپ اِنت تَہار چِراگ
بِبیت پہ مَن اَنارکانی بام رَکّ ءِ پُلّ
نَبیت مارا ماں لُنجێں شَپاں پَکار چِراگ
بْیا کہ پَر تَو زِتَگ ساہکَندَنُن اُمر ءِ
شَپ اِنت ھَیات ءِ نَمانیت تاں سَہار چِراگ
اَتا ھما اِنت مَنی رُژنائی ءِ زِنداپ
ھما کہ رَہسَراں بیت، آسگوار چِراگ
<سترُنگ><اِم>اَتا شاد