شَپ چ ھۆرکێں دُکّان ءَ
دْراہێں گِراکاں یَل داتَگ
اِے دُنیا اِنت، اِے دُنیا ءِ
ھَر کار ھُدا ءَ یَل داتَگ
نہ مُرگاں پادێنکے پاد ءَ
نہ ساز سُرانی ھَمراہ اِنت
نہ رُژن گُلاباں گِندَگ کئێت
نہ جَمبَر کَیپ ءِ ھَمراہ اِنت
آ دُرّانی شَرَّنگی شُتَگ
آ چَمّاں سُورمَگ وَیل کُتَگ
نوں سَبر ءُ کَرار ءِ ھَر مێتَگ
گْواتانی شِلیکّاں گار کُتَگ
ھَر رَنگ، لِکاہ ءُ زێبائی
کْوَہنێں کَرۆنڈ ئے پَیم ءَ اِنت
نوں دَریا، چَولانی زێمِر
مۆکُوی کُداماں چاگِرد اِنت
اِے کُلّێں کِسَّہ ءِ نْیام ءَ
نوں تَہنا پہ ما پَش کَپتَگ
ھَرّۆچ بِنِند ءُ بَسّ چِست کَن
دو لاش بَلۆچ ءِ چُکّانی
<سترُنگ><اِم>کاسُم پَراز