سُہبا بِگِند شَپجَتێں وَہد ءِ نِہادیا
پہ نۆکێں بامسارے ءِ نیمّۆن ءَ سَمبَہیت
کَرنانی پْرُشتَگێں دْرَہێں زَمزیل زێمِر اَنت
ناچی اگں دَمے تَئی پاداں کَمال بیت
دَردانی دِرتَگێں دْرَہێں گَردُو اوں بانزُل اَنت
بالی اگں تَرا تَئی بال ءِ کَمال بیت
کَرن ءِ سُرۆز ءِ تار کہ زَنگاں گۆں بَستَگ اَنت
تَئی لَنکُک ءِ ھُنَر کہ پَدا بے سَواب بیت
تَو ھَم پَدا چۆ دَردے ءَ جێڈَگ نَبَئے دُبَر
آپ ءِ سَر ءَ کہ تَو وَتی گام ءِ ھُنَر نَزانت
<سترُنگ><اِم>کَریمَہ بَلۆچ