مارا سِنگے بِجَن مارا پُلّے بِجَن
چۆ وَداریگ مَکَن مارا پُلّے بِجَن
پہ تَئی نازانی گُلباگ ءِ اُمّێت ءَ ما
دێر اِنت یَل کُت چَمَن مارا پُلّے بِجَن
دانکہ گُلرَنگ بِبیت گۆں مئے ھۆناں دِل ءِ
دیگَر ءِ لُنٹ ءِ پَنّ مارا پُلّے بِجَن
مِہر ءِ دَستاں کہ لاچار ایں ما ھَر دۆێں
اَنچۆ تَو اَنچۆ مَن مارا پُلّے بِجَن
نازبُوێں تَئی نازانی دیدارے ءَ
گْوَستَگ اَنت سیمّ ءُ سَن مارا پُلّے بِجَن
<سترُنگ><اِم>مُنیر مۆمِن