نہ سُہب ءِ نَمب ءَ گۆں شانتُلے
نہ بُلبُلے کئێت بے گَہاں
نہ جِنگُلانی پِری پِری
نہ سیسُوانی شَپیرَّگے
نہ کامبُوانی رَمے گْوَزیت
نہ گارێں کُونجانی ٹۆلیے
نہ دْرُوچک ءُ بَٹ، نہ کَپینجَرے
نہ ٹیسک ءُ گۆلُو نہ سْیَہگوَرے
مُلُور مُلُور اَنت چِش ءُ کُنَر
اَبێتک اَبێتک اَنت دَریگ ءُ دَر
اَجَب نَپَسگیرێں جاوَرے
زَہیروار اَنت دِل ءُ جَگَر
آ مُرگ بالی کُج ءَ شُت اَنت
<سترُنگ><اِم>مُبارِک کازی