اِے کئے اِنت پہ مَن چۆ جَلاں بیتَگ
نابِزانت لاس ءُ تَلمَلاں بیتَگ
پێش مَدار چَمّاں ھۆنگوارێناں
زِند مَنی اَرسانی شَلاں بیتَگ
تَو چِہ ڈَول سینگار ءِ وَتی راج ءَ
واب تَئی بۆپ ءُ بَکمَلاں بیتَگ
مَن دِل ءَ جَزم آں کئێت بَہارگاہے
چاپ مَنی باگ ءِ بُلبُلاں بیتَگ
مَن وَتی زِرد ءَ چۆن بے سَہڈێناں
زِندَگی سیمّ ءُ سانکالاں بیتَگ
کِسَّہے شِنگ بیتَگ اَجَبرَنگێں
پُلّێں آتراپ ءُ پَندَلاں بیتَگ
یَکّ بَرے کا ئے سَد بَر ھَیرات آں
یات تَئی گَموارێں دِلاں بیتَگ
<سترُنگ><اِم>بَرکَت اَلی سَجّاد