تَو گُش ئے کہ دێوانَگ، تَو گُش ئے کہ ناسَرپَد
مَن وَتی دِل ءَ بَنداں تَئی پَسانی بَنجاہ ءَ
ماہ ءُ سال پِر گَرد اَنت مۆسُمَنی نیمّۆن ءَ
بِلّ ئِے کئێت ھَزّامے تاک آجُوی لۆٹ اَنت
کُدرَتاں ھُداوَند ءِ بے سَوَب نَہ اِنت دُنیا
دْراہێں راز اِنسان ءِ باتِن ءِ تَہا بَند اَنت
چُلّ ءِ پُر نَبَنت چَنکے اُپّ کۆر کَنت چَمّاں
گْوات پِنڈَگے لۆٹیت مَن وَت ءَ را ماں داراں
مَن پَمێشکا گُنگ آں کہ وادَہانی بَندیگ آں
نۆدێں گال ءُ گُپتاراں آزماں ڈَسّایاں
مَن اَگاں گُشاں شَیرے تَئی سَدَکَّہا نام ءِ
زِندماں ھَرچ آپ ءَ رَنگ ماں کَنت کاریت
ھِشت ءُ ھاک ءِ لۆگے کہ مانِشے نَزاناں مَن
دِل گُشیت مَکَشّ اَرواہ کہ کَپَن تَیار اِنت تَئی
مَرگ پہ مَڈاہے کئێت چَہ دَرێں دَیارے ءَ
تَو پہ تُرس چێر ئے ءُ مَن زَراں پہ وَشَّتکے
<سترُنگ><اِم>مَنزُور بِسمِل