مَن ءُ ھُدا ءُ مَردُمے
تاں دێرا دۆشی نِشتَگێں
ما یَکّێں دَست ءَ چاپ چۆن جَتَگ
کَسے سَہی نَہ اِنت
زِمین ءُ آزماں پہ اَنچۆ لَیب ءُ مَسکِرا
ٹَہێنتَگ ءُ کَرۆتکَگ اَنت
اَزَل چَہ اَبرَم ءَ گۆں دَست ءُ دْرۆہ بُوتَگێں
وَتی گَنۆکی ءَ ما پۆہ بُوتَگێں
مَن ءُ ھُدا ءُ مَردُمے!!
کُران ءِ سُورَتاں کَماتَگێں
تِلاوَتانی زێمِراں گۆں اَرس مێنتَگێں
ما باز رَند ءَ زَہر بُوتَگێں
دِل ءَ چَہ کَہر بُوتَگێں
اِے کَستِری ءُ مَستِری چے اَنت
مَن ءَ پہ سُجدَگے چَگَل نَگُش ئے
مَن کَستِر آں، تَو مَستِر ئے، اِے جێڈَہے نَہ اِنت
مَن ءَ بُزُور کۆپَگ ءَ بِکَن
مَن ءَ را لَیبُوے بِدئے
مَن ءَ چَہ مَردُم ءَ مَنی مَسِند
ھَمائی ءَ کہ تَو پہ واجَہی زِتَگ مَن ءَ
گِسَر کُتَگ چَہ ھَرچی ءَ
ھَمائی ءَ ، ھما کَس ءَ
مَن ءُ ھُدا ءُ مَردُمے
ما مَرچاں سِست ءُ سید بُوتَگێں
ما سَکّ مَرچاں گِلَّہ ایں
چَہ دُورا ھِچّ سَلام ءُ دْوا اوں نێست
آ وَہدے اَت دِگِہ
ما شَپ تاں سُہب نِشتَگێں ھَبَر کُتَگ
زِمین ءُ آزماں پہ اَنچۆ لَیب ءُ مَسکِرا
ٹَہێنتَگ ءُ کَرۆتکَگ اَنت
<سترُنگ><اِم>ھالِک اَرماں