بِجَلِّتێں تَو واہَگانی مِنزِل ءَ بِجَلِّتێں
پہ زاکِر ءُ شَبیر ءُ زاہِد ھَمبَل ءَ بِجَلِّتێں
اِے دَشت ءُ کۆہ ءُ کُوچَگ ءِ تَو جُنز ءُ پَہر ءُ شان اَت ءِ
مُرادے زَنڈێں داشتَگَت وَتی دِل ءَ بِجَلِّتێں
تَئی رَندپَداں سَر گِران ءُ سَر کَپاں مِڈان اَتێں
پہ سَمّی ءُ ھَسیبَہ، سیم ءَ گَنگَل ءَ بِجَلِّتێں
شَمۆشیت کئے تَرا اُو تَہار ءُ سَرشَپانی بام
دَگ ءَ نَکُت تَو ھِجبَرا تَئی کاتِل ءَ بِجَلِّتێں
اِے ھَلک ءُ مێتَگ ءُ دَیار سُچ اَنت ھَمبَلانی لۆگ
اِے نُگرَہێں زِمین ءَ تَئی آس ءُ جَل ءَ بِجَلِّتێں
تَئی ھال ءَ بْیاریت کاسِدے تَو زِندَگ ئے ءُ اَتکَگ ءِ
کُت دیدَگاں تَرا مَن داد داشت دِل ءَ بِجَلِّتێں
<سترُنگ><اِم>داد شاشانی