مَنی دِل ءِ کامرَیڈێں بانُک
تَئی مُہُبَّت کہ جَنگ ءِ ساہ ءَ گۆں ساہ کَشّیت
گُش ئے کہ تیراں تَوار بَستَگ چۆ مَنگَلیکّا
ءُ ٹۆپ ءُ بَمباں تَئی پاد ءِ پادینک ءِ بْرَمش گۆن اِنت
تَو گِندَگ ءَ ئے زِمین ھۆن اِنت
تَئی مُہُبَّت شَہید بُوتَگ
یا بَندیجاہ ءَ بِزاں کہ بَند اِنت
مانی دِل ءِ کامرَیڈێں بانُک
تَئی پَنّ ءُ مُزواک آمَڈاں گۆں مَن کِشک کَشّاں
مُہُبَّتا نۆکێں نامے دِگِہ دَیاں مَن
لَجّ ءُ نَنگ ءَ
زُبان ءِ جَنگ ءَ
زِمین ءِ جَنگ ءَ
تَئی دۆست ءَ دۆستیگێں ساہ داتَگ
بلے مَنی کامرَیڈێں بانُک وَتَن نَداتَگ
تَئی مِہر ءِ گُڈّی گَنۆک ءَ
پہ تَو اِے شَیر بَستَگ
مانا پَہِلّ کَن کہ زِندَگی ءَ
تَرا چَہ پێسَر زِمین ءِ واست ءَ مَن ساہ داتَگ وَتَن نَداتَگ
<سترُنگ>سَلماں ھَمَّل