کِساس کَن مَن ءَ بِچار
گۆں مِہروانێں دیدَگاں
بَرے مَن اِشکِرے بَیاں
بَرے مَن تْرۆنگَلے بَیاں
بَرے مَن آچ بُن دَیاں
بَرے مَن اَپ رۆک کَناں
بَرے مَن دُژمِنے بَیاں
بَرے مَن سَنگَتے بَیاں
بَرے گُبار سَر رِچ اَنت
بَرے ھُمار سَر رِچ اَنت
بَرے مَن ھۆش ءُ سَر باں
بَرے مَن چَٹ گَنۆک باں
بَرے مَن رَہگَوزے بَیاں
بَرے مَن مِنزِلے بَیاں
بَرے مُراد ءِ کۆہ باں
بَرے مَن مَسجِدے بَیاں
بَرے پَتَنگ باں سِداں
بَرے مَن اَرس باں رِچاں
بَرے مَن جِنگُلے بَیاں
بَرے مَن بُلبُلے بَیاں
مَن یَکّ کَسانێں مُرگے آں
مَنی کُدُو مَنی نَہ اِنت
بِچار چینچو تَلوَساں
بِگِند چینچو بَزَّگ آں
بِمار چینچو گَم پِر اِنت
بِجێڈ چینچو وَژدِل آں
تَرا کہ مَن وَتی کُتَگ
اِے زِندَگی مَنی نَہ اِنت
تَئی زانَگ ءَ مَنی کُتَگ
نہ کَوش گۆں مَن ٹَوک کَنت
نہ تَبد گۆں مَن رۆک بیت
پہ ساری ءَ مَن زَنزَراں
<سترُنگ><اِم>مُبارِک کازی