رێل ءُ مَنی گُماں ھَمگام اَنت۔ رێل ءِ پَرَّگ تَوار ءَ اَنت ءُ مَنی گُماں کْرینژَگ ءَ اِنت۔
بَسّ! پَرک ھَمێش اِنت کہ رێل ءَ وَتی لَین گِپتَگ ءُ تَچان اِنت، ءُ مَن بارێں چۆنێں نااشنائیں دْیارے ءِ دَگّ ءُ دَمکَن وَیل آں۔
یَبَّر ءَ رێل ءَ داشت۔ مَن ءُ مَنی گُماں ھَرد مُہر بیتێں، ءُ ھما اِنت وَداریگ ایں کہ بارێں رێل کَدی جُنزیت ءُ گُماں وَتی ٹَٹُو ءَ بِتاچیت۔ اِے بَری بارێں مَن ءَ کُج ءَ بارت ءُ سَر کَنت۔ گِند ئے رێل ءِ آتراپ ءِ سَبزَگ ءَ سْیَہڈَنّے بُپۆشیت ءُ دْرَچکاں سْیَہدارێں چِگِرد بِکَنت ءُ اِے چۆ شیر ءَ وَشّێں آپ ءَ گُرکانی سیچی ءِ کَلَّرێں آپ بِکَنت، ءُ اِے دْرُست چۆ گُرکاں چَہ بے آپیا بِلَڈّ اَنت!
رێل اوشتات۔
<سترُنگ><اِم>ھَسا بِجّار