دوێں بَلُّک تَہت ءِ باہۆٹ اَنت۔ بَلُّک شَہربانُو، کۆنڈاں لَنگ اِنت ءُ آئی ءِ مَستِرێں گُہار بَلُّک ھاتُون چَمّاں کۆر ءُ گۆشاں کَرّ اِنت۔ دوێں لۆگ ءَ نِشتَگ ءُ اَلّاہ اَلّاہ کَن اَنت۔
زی زِمین ءَ چَنڈِت۔ بَلُّک شَہربانُو ءَ زانت کہ زِمینچَنڈ اِنت بلے چارِت ئِے داں مَن کِتّان ءُ نارانا چَہ تَہت ءَ اێر بْیایاں، ھاتُون ءِ دَست ءَ بِگِران ءُ لَٹّ ءَ جِکّ دَیانا ڈَنّ ءَ دَر بْیایاں، لۆگ ءَ کہ کَپَگی اِنت پێسَر ءَ کَپیت۔ پَمِشکا چَہ وَتی جاہ ءَ نَسُرِت۔
بَلُّک ھاتُون ءَ سَما بُوت کہ تَہت سُرَگ ءَ اِنت بلے آئی ءَ دِل ءَ گُشت بَلکێں نُماسَگے، شَیتانی کَنَگ ءَ اِنت۔ جُست ئِے کُت، “شَہرُک! اِے کئے اِنت مَنی تَہت ءَ ژامبَلێنیت؟”
بَلُّک شَہربانُو ءَ کَندِت ءُ کُوکّار کُت، “اِے واجَہ ھۆدا اِنت، ھاتُون۔”
گۆشاں سْیَہچُپتێں بَلُّک سَرپَد نَبُوت کہ کَئی نام ئِے گِپت۔ آئی ءِ ھَیال گۆں شَیتانێں نُماسَگ ءَ اَت۔ تَہت ءَ تِکَہێں لَٹّ ئِے چِست کُت ءُ کُوکّار ئِے کُت، “تَرا لَجّ نَکَنت شَیتاں! پیرێں بَلُّکاں آرام ءَ نَیل ئے؟”
<سترُنگ><اِم>ناگُماں