مُدَّتے گْوَستَگ کہ ماہێں گُل ءِ دیدار نَبیت
یا ھُدا مارا پہ چَمّاں گۆں ھِچّ کار نَبیت
مِنَّت ءُ زاری ءُ دَزبَندی کہ مَن ھێل کُتَگ
رۆچے سَد رَند ءَ ھَزارناز چی ءَ زار* نَبیت
وَشنَیَتکانی شِگاناں مَنی بالاد شِنگێنت
نی چِد ءُ دێم گۆں مَن زْیادَہێں اوپار نَبیت
بْیا بِبَر ھۆش ءَ سَر ءِ کَدَّہێں چَمّاں گۆں وَتی
نۆشَگ ءَ کَیپ ءُ شَراب ءِ کَسّے بے سار نَبیت
دِل نَبَستَگ زَپَر ھِجبَر پہ بَہار ءِ پُلّاں
داں گُل ءِ بیکّ نَشِنگ اَنت جَہاں آتار نَبیت
*زار = زَہر
<سترُنگ><اِم>زَپَر اَلی زَپَر