مئے ساہ اِنت بَلۆچِستاں، مئے جان اِنت بَلۆچِستاں
مئے زِند ءِ ھَمُکّ دَرد ءِ دَرمان اِنت بَلۆچِستاں
سَرسَبز چۆ شاداب اَنت دُنیا ءِ دِگِہ کَہچَر
اَپسۆز کہ مُدام سُہرێں ھۆنان اِنت بَلۆچِستاں
پَرچا مَن نَباں بَندیگ، پَرچا مَن نَباں کَولیگ
کہ زِہسَرێں تیرانی دێمپان اِنت بَلۆچِستاں
پُل کُرتَگ ھَزار رَند ءَ دِنگاں چَہ ھَمے زێداں
اَنگَت ھَم دِگِہ ڈَنّی دَستان اِنت بَلۆچِستاں
میراس نَہ اِنت میر ءُ سَردار ءُ نَوابانی
جاگیر پہ وَتی سَولێں بَچّان اِنت بَلۆچِستاں
دِل بیت چَور رازی مُلا چَہ تَئی وازاں
وَہدے کہ مَنی دین ءُ اِیمان اِنت بَلۆچِستاں
<سترُنگ><اِم>جی آر مُلا